ეს პოლიტიკა განმარტავს, რა მონაცემებს ვაგროვებთ სტუდენტურ პორტალზე (unifair.ge), რატომ გვჭირდება ისინი და როგორ ვიცავთ. ოპერატორია Unifair. თუ ეთანხმები წესებსა და პირობებს, ამითვე ეთანხმები ამ პოლიტიკაშიც აღწერილ პრაქტიკას.
მოკლედ: ვაგროვებთ მხოლოდ იმას, რაც სერვისის მუშაობისთვის რეალურად საჭიროა — ანგარიშისთვის, მასალების მოდერაციისთვის, ქომუნითისთვის და შეტყობინებებისთვის. პაროლს ღია სახით არასდროს ვინახავთ.
1. რა მონაცემებს ვაგროვებთ
რეგისტრაცია და პროფილი. ელფოსტა, პაროლის ჰეში, მობილურის ნომერი, სახელი, გვარი, უნივერსიტეტი, ფაკულტეტი, სასწავლო წლები/კურსი, ავატარი (თუ ატვირთავ), სურვილისამებრ სოციალური ბმულები (Facebook, Instagram, TikTok). ასევე ვაფიქსირებთ, როდის დაეთანხმე წესებს და როდის შეავსე პროფილი.
მასალები. ატვირთული ფაილის სახელი, აღწერა, ფაკულტეტი/კურსი, ზომა, სტატუსი (მოლოდინში, დამტკიცებული, გაფრთხილებული, უარყოფილი) და, საჭიროებისას, ადმინისტრაციის შენიშვნა.
ქომუნითი. პოსტებისა და კომენტარების ტექსტი, სურათი (თუ დაგვრთავ), რეაქციები და გამოქვეყნების დრო.
ლექტორები. შეფასების ვარსკვლავები და კომენტარი, ასევე ახალი ლექტორის დამატების მოთხოვნაში მითითებული მონაცემები.
ტექნიკური მონაცემები. სესიის ნიშანი (ავტორიზაციისთვის), ბოლო აქტივობის დრო, და — თუ ჩართავ — ბრაუზერის push-შეტყობინებების ნებართვა. სერვერზე შეიძლება დროებით დაფიქსირდეს IP ან მოთხოვნის ლოგი უსაფრთხოებისა და შეცდომების გამოსწორებისთვის.
2. რისთვის ვიყენებთ
- ანგარიშის შექმნა, შესვლა და პროფილის ჩვენება;
- მასალების კატალოგი და მოდერაცია;
- ქომუნითისა და ლექტორების შეფასების ფუნქციები;
- შეტყობინებები (მაგ. მასალის დამტკიცება/უარყოფა);
- ადმინისტრაციისთვის სტატისტიკა და მხარდაჭერა;
- უსაფრთხოება — ბანები, ბოროტად გამოყენების აღკვეთა.
მარკეტინგული სპამისთვის შენს ელფოსტას არ ვყიდით და არ გადავცემთ უცნობ მესამე პირებს.
3. ვის ვუზიარებთ
შენი პროფილის საჯაროდ ხილული ნაწილი (სახელი, ავატარი, ფაკულტეტი და მსგავსი) ჩანს სხვა ავტორიზებულ მომხმარებლებს იქ, სადაც ეს ფუნქციას სჭირდება — მაგალითად, ქომუნითის პოსტთან ან მასალის ავტორთან.
ადმინისტრატორებს აქვთ წვდომა მოდერაციისთვის საჭირო მონაცემებზე (მათ შორის ელფოსტა და ტელეფონი სტუდენტების სიაში). პაროლი მათთვისაც მიუწვდომელია — სისტემაში ინახება მხოლოდ ჰეში.
ჰოსტინგის, ელფოსტის ან ანალიტიკის პროვაიდერებს შეიძლება ჰქონდეთ ტექნიკური წვდომა მხოლოდ იმდენად, რამდენადაც სერვისის მუშაობას სჭირდება. მათგან ვითხოვთ კონფიდენციალურობის დაცვას.
კანონით გათვალისწინებულ შემთხვევებში მონაცემები შეიძლება გადაეცეს უფლებამოსილ სახელმწიფო ორგანოს.
4. Cookies და ლოკალური შენახვა
ავტორიზაციის სესია ინახება cookie-ში ან მსგავს უსაფრთხო მექანიზმში. თემის არჩევანი (ნათელი/მუქი რეჟიმი) და push-შეტყობინებების პრეფერენცია შეიძლება შენს ბრაუზერში (localStorage) დარჩეს — ეს მხოლოდ შენს მოწყობილობაზეა.
Cookie-ების გათიშვამ შეიძლება გაწყვიტოს შესვლა. სარეკლამო თვალთვალის ქსელებს ამ პორტალზე არ ვუკავშირდებით.
5. რამდენ ხანს ვინახავთ
ანგარიშის მონაცემები ინახება, სანამ ანგარიში აქტიურია. თუ ანგარიშს წავშლით (შენი მოთხოვნით ან ადმინისტრაციის გადაწყვეტით), პირადი მონაცემები იშლება ან ანონიმდება გონივრულ ვადაში, გარდა იმისა, რისი შენახვაც კანონით გვევალება (მაგ. უსაფრთხოების ლოგები შეზღუდული ვადით).
წაშლილი ქომუნითი პოსტი ან მასალა სისტემიდან აღარ ჩანს. სარეზერვო ასლებში შეიძლება დროებით დარჩეს, სანამ რეზერვი არ განახლდება.
6. უსაფრთხოება
ვიყენებთ HTTPS კავშირს, პაროლის ჰეშირებას და წვდომის შეზღუდვას როლების მიხედვით (სტუდენტი / ადმინი). მაინც — ინტერნეტში აბსოლუტური უსაფრთხოება არ არსებობს. ძლიერი პაროლი და ანგარიშის სხვებთან გაზიარებისგან თავის შეკავება შენს მხარესაც მნიშვნელოვანია.
7. შენი უფლებები
შეგიძლია მოითხოვო:
- შენს შესახებ შენახული მონაცემების ნახვა ან გასწორება (პროფილიდან ან მხარდაჭერით);
- ანგარიშის წაშლა — მოგვწერე support@unifair.ge;
- განმარტება, რა მიზნით ვამუშავებთ კონკრეტულ მონაცემს.
თუ ფიქრობ, რომ მონაცემები არასწორად მუშავდება, ჯერ დაგვიკავშირდი. ასევე გაქვს უფლება მიმართო საქართველოს პერსონალურ მონაცემთა დაცვის სამსახურს კანონით გათვალისწინებული წესით.
8. არასრულწლოვნები
პორტალი განკუთვნილია უმაღლესი სასწავლებლის სტუდენტებისთვის. თუ არასრულწლოვანი ხარ და მშობლის/მეურვის თანხმობის გარეშე დაირეგისტრირე, დაგვიკავშირდი — ანგარიშს გადავხედავთ.
9. პოლიტიკის ცვლილებები
ამ ტექსტს შეიძლება განვაახლოთ, როცა ფუნქციები ან კანონი შეიცვლება. გვერდზე მითითებულია ბოლო განახლების თარიღი. მნიშვნელოვან ცვლილებებზე შეგატყობინებთ პლატფორმაზე ან ელფოსტით, როცა ეს პრაქტიკულად შესაძლებელია.
10. კონტაქტი
პირად მონაცემებთან დაკავშირებული კითხვები: support@unifair.ge · unifair.ge